[:en]ՀՀ ԿԱՌԱՎԱՐՈՒԹՅԱՆՆ ԱՌԸՆԹԵՐ ՍՊՈՐՏԻ ԵՎ ՖԻԶԻԿԱԿԱՆ ԿՈՒԼՏՈՒՐԱՅԻ ՊԵՏԱԿԱՆ ԿՈՄԻՏԵԻ ՆԱԽԱԳԱՀ ԻՇԽԱՆ ԶԱՔԱՐՅԱՆԻ ՈՂՋՈՒՅՆԻ ԽՈՍՔԸ[:]

[:en]

ՀՀ ԿԱՌԱՎԱՐՈՒԹՅԱՆՆ ԱՌԸՆԹԵՐ ՍՊՈՐՏԻ ԵՎ ՖԻԶԻԿԱԿԱՆ ԿՈՒԼՏՈՒՐԱՅԻ ՊԵՏԱԿԱՆ ԿՈՄԻՏԵԻ ՆԱԽԱԳԱՀ ԻՇԽԱՆ ԶԱՔԱՐՅԱՆԻ ՈՂՋՈՒՅՆԻ ԽՈՍՔԸ ՀԱՄԱՀԱՅԿԱԿԱՆ ԱՄԱՌԱՅԻՆ ԵՐՐՈՐԴ ԽԱՂԵՐԻ ԲԱՑՄԱՆ ԱՐԱՐՈՂՈՒԹՅԱՆ  ԺԱՄԱՆԱԿ

Համահայկական խաղերն ավանդական են դարձել և կազմակերպիչներն էլ արդեն վանել են մեկնարկային տենդը: Մասնագետները մեծ ուշադրությամբ կհետևեն մրցումների ընթացքին: Պետք է ընտրել շնորհալիներին և ամրագրել մեր ազգային հավաքականում: Ցանկալի է, որ հետայսու ամառային օլիմպիական խաղեր մեր երկրի պատվիրակությունը մեկնի ստվար կազմով: Ուստի, համահայկականի ծրագրում ընդգրկված մարզաձևերի թիվն աստիճանաբար պետք է մեծացնել: Նաև սա է խաղերի հիմնական նպատակներից մեկը, որն աստիճանաբար իրականություն է դառնում:

Մայր Հայաստանում խաղերի անցկացումը նպաստում է ոչ միայն մարզակյանքի հարստացմանը, այլև Հայրենիք-Սփյուռք կապերի ամրապնդմանը: Նախորդ երկու խաղերի փորձը վկայել է, որ այստեղ երիտասարդ հայրենակիցները միմյանց հետ ծանոթանում, մտերմություն են հաստատում: Այս ամենն աննկատ չի մնում և պատահական չէ, որ հետզհետե մեծանում է խաղերի մասնակիցների քանակը, երկրների և քաղաքների աշխարհագրությունը:

Շնորհավորում եմ երրորդ համահայկականի բոլոր մասնակիցներին` նրանցից ակնկալելով ազնիվ մրցակցություն և բարձր արդյունքներ:

[:]