Վառվեց համահայկական VI խաղերի ջահը

Մայիսյան եռատոնի՝ Հայրենական մեծ պատերազմում տարած հաղթանակի 70- ամյա տարեդարձի, Լեռնային Ղարաբաղի Հանրապետության պաշտպանության բանակի և Շուշիի ազատագրման օրվան նվիրված հանդիսավոր միջոցառումների շրջանակում,

 Շուշիի Ս. Ղազանչեցոց եկեղեցու  խորանում՝ Արցախի թեմի առաջնորդ , Արքեպիսկոպոս  Պարգև Սրբազանի  հադիսապետությամբ , Արցախի հանրապետության նախագահ Բակո Սահակյանի, ՀՀ  վարչապետի Հովիկ Աբրահամյանի,  Համահայկական խաղերի համաշխարհային կոմիտեի նախագահ  Իշխան Զաքարյանի,  Հայաստանի ու Արցախի օրենսդիր և գործադիր մարմինների ներկայացուցիչների մասնակցությամբ  և մեծ տոնակատարությամբ վառվեց Համահայկական ամառային 6-րդ խաղերի ջահը:  Հատուկ  ջահի վառման հանդիսավոր արարողությանը ներկա գտնվու համար  Սփյուռքի տարբեր գաղթօջախներից Արցախ էին ժամանել համահայկական խաղերի գործադիր կոմիտեի անդամները՝  Ստեփան Դերբեդրոսյանը՝ Լիբանանից,  Ալֆրեդ Հավանը՝ Պարսկաստանից, Հարություն Թամազյանը՝ Կիպրոսից,  Հերմինե  Դուզյանը` Ֆրանսիայից, Վրեժ Շառոյանը՝ Սիրիայից:

Ողջունելով միջոցառման մասնակիցներին Նախագահ Սահակյանը նշել է, որ Համահայկական խաղերի ջահի վառման հանդիսավոր արարողությունն արդեն երկրորդ անգամ է տեղի ունենում Արցախում, ինչն իր մեջ շատ խոր իմաստ է պարունակում: <Համահայկական խաղերի յուրահատկությունն այն է, որ այստեղ պարտվողներ չկան, իսկ գրանցված հաղթանակները հաղթանակ են ողջ հայ ժողովրդի համար>, ասել է Բակո Սահայկանը:
Արցախի հանրապետության նախագահն ընդգծել է, որ խաղերը  լավ միջոց են` աշխարհին մեկ անգամ եւս ներկայանալու որպես քաղաքակիրթ, համախմբված, սեփական ուժերին ապավինող ժողովուրդ, որը երկրագնդով մեկ սփռված լինելով հանդերձ, անխզելիորեն կապված է իր պատմական հայրենիքի հետ ու անում է հնարավորը հայոց անկախ պետականությունը հետեւողականորեն զարգացնելու եւ զորացնելու համար:

Նշենք, որ Համահայկական ամառային  վեցերորդ խաղերի ջահի վառման պաշտոնական արարողությունը լինելու է հատուկ տոնակատարություն : Ջահը կանցնի հայաշատ մի շարք քաղաքներով և   օգոստոսի 2-ին կհասնի համայն հայության մայրաքաղաք՝ Երևան ազդարարելով Համահայկական ամառային 6-ւդ խաղերի մեկնարկը: