ՀԽՀԿ նախագահ Իշխան Զաքարյանը հանդիպել է թենիսիստուհի Էլինա Ավանեսյանին
Թենիսիստուհի Էլինա Ավանեսյանը, ով օգոստոս ամսից միջազգային մրցաշարերում սկսել է հանդես գալ Հայաստանի դրոշի ներքո, հանդիպել է ՀԽՀԿ նախագահ Իշխան Զաքարյանին:
Նախագահը շնորհավորել է մարզուհուն ՀՀ քաղաքացիություն ստանալու կապակցությամբ, ողջունել Հայաստանում թենիսի զարգացմանը նպաստելու իր ցանկությունը և մաղթել հաջողություն հետագա մարզական միջոցառումներում: Ի. Զաքարյանը մարզուհուն տեղեկացրել է, որ թենիսը ընդգրկված է Համահայկական խաղերի մարզաձևերի ցանկում և հրավիրել է մասնակցելու հաջորդ ամառային խաղերին: Էլինա Ավանեսյանը սիրով ընդունել է առաջարկը: